Onberekenbaar Verspreid
Elemente Uit Die Gesprek
Die slot van Middlemarch is dig geweef met lae betekenis waarby mens lank kan stilstaan. Die volgende skrywers is goeie gidse wat ons help om dit nog voller en dieper te maak:
Waar Eliot praat van “unhistoric acts”, wys Robinson in haar boek Gilead op betekenis wat dikwels buite die sfeer van die geskiedskrywers val en nie in nuusopskrifte verkondig word nie - en juis in die gewoon alledaagse bly woon.
Een van die ongemaklike waarhede van Eliot se aanhaling is dit: die mense wat die meeste bydra, het dikwels geen idee dat hulle dit doen nie. Daar is by hulle nie strategie, of selfkennis, of morele prestasie nie. Net beskikbaarheid. Ons invloed is nie eers altyd die gevolg van wat ons doen nie, maar van hoe ons is.
Die laaste reël in Middlemarch bly skokkend eerlik: “rest in unvisited tombs.” Geen gedenkplaat of standbeeld nie. Net ’n spoor wat in ander mense se lewens voortgaan. Gemeenskappe word nie gebou deur uitsonderlikes nie, maar deur getrouheid wat lank genoeg volgehou word om ander te dra.
Musiek
Due Tramonti in Italiaans beteken letterlik twee sonsondergange. Dit sluit so mooi by die aanhaling uit Middlemarch aan, dat ’n lewe twee keer ondergaan - die eerste keer wanneer dit fisies eindig, en weer, sagter, wanneer die invloed daarvan onmerkbaar in ander voortleef.
Dit maak saak. Dit maak hierdie wêreld en hierdie lewe leefbaar en sinvol.
Moenie ophou nie. Asseblief.
Met baie liefde.
George & Matilda
Comments
Post a Comment