Skip to main content

Stil plesier

Image
By
 
Foto deur Lien Botha

Dave Pepler skryf in sy pragtige boek Immergroen. Stories oor plante:
 
“My voorstoep kry die son uit die weste en dit bak soos ‘n hoogoond. Op elke trappie het ek ‘n erdepotjie met ‘n vygie daarin, die bogrond toegepak met koffiekleurige spoelklippies. Soggens, as ek koffie drink op die boonste trap, bekyk ek hulle. Byna so immobiel soos fossiele staan hulle jaarlank tot daar skielik, oornag, ‘n blomknoppie verskyn. Daardie dag probeer ek tuisbly en wag tot die son tref, want ek weet dat die blom net vir my gaan bloei.
Vygies gee jou plesier op ‘n stil manier. Hoe soet klink die volksname nie – ghoena, ghôkum, steekvy, kougoed, vingerkanna, brakslaai, asbos, loogslaai, haasballetjies, kirriemoer... Het jy al suurvy-konfyt geproe? Gaan soek, want daar is nog enkeles wat dit kook. Maar, bowenal beloon vygies jou met hul dankbaarheid en uitbundigheid. Uit dorheid en grint, teen middag, breek hulle die lig.”
Dit vra om saam met Marlene van Niekerk se nota aan die stadsraad gelees te word. Wanneer my dag teen so ‘n tempo voortstorm dat dit voel asof hy by sy nate begin ratel en lostrek, dan trek ek hulle nader. Ek het nodig om te hoor dat die lewe meer is as spertye en werk. Daar is kleur en son. Hulle dans, selfs al let ek nie op nie. Maar ai, wanneer ek wel die slag raaksien – geen beter doepa nie!


George
 
Labels:

Comments

Post a Comment

Popular posts from this blog

Vanuit Die Restory - Gesprekke Tussen Reisgenote (66)

By
  Retreat   Die Gesprek  Elemente Uit Die Gesprek  Musiek Met ons liefde. George & Matilda 
Post a Comment
Read more

Vanuit Die Restory - Gesprekke Tussen Reisgenote (99)

By
  'n Duisend Hande Die Gesprek Elemente Uit Die Gesprek ~ ❖ ~ "Until one is committed, there is hesitancy, the chance to draw back, always ineffectiveness. Concerning all acts of initiative [or creation] there is one elementary truth, the ignorance of which kills countless ideas and splendid plans: that the moment one definitely commits oneself, then Providence moves too.  All sorts of things occur to help one that would otherwise never have occurred. A whole stream of events issues from the decision, raising in one’s favor all manner of incidents and meetings and material assistance which no man would have believed would have come his way." W.H. Murray, Skotse ontdekkingsreisiger ~ ❖ ~ Cause of Death Uitstalling Ariana in vervoering  Musiek Wanneer jy dinge nie so krampagtig probeer beheer nie, jou oorgee aan die vloei van gebeure en oop is vir die onverwagte, kan jy saam met Ian McKellen sing. Ian McKellen gee nie om saam met wie hy sing nie, solank hy dit net kan doen.
Post a Comment
Read more

Vanuit Die Restory - Gesprekke Tussen Reisgenote (95)

By
Stil In Die Gemaal Die Gesprek Elemente Uit Die Gesprek Musiek In opera kry mens dikwels hierdie stiltes vervleg met 'n veel onstuimiger agtergrond. Lied aan die Maan  van Antonin Dvorak is 'n mooi voorbeeld. Met liefde. En die begeerte dat dit iets van God se groot liefde reflekteer. George & Matilda
Post a Comment
Read more