Eensaamheid Op Die Reis
Die Gesprek
Elemente Uit Die Gesprek
Musiek
Die video van die 4-jarige Rylyn Clark wat tydens die Corona-epidemie in 2020, Bob Marley se Three Little Birds sing, het by baie 'n diep snaar geroer.
Ons het dit vir vandag se blog-inskrywing gekies, nie om te sê dat ons eensaamheid in al sy vorms maar ligtelik afgemaak kan word met 'n "Moenie bekommer nie, alles sal reg wees" nie. Met dieselfde deernis as klein Rylyn wil ons ook oor afstand uitreik, konnekteer, en sommer net 'n klein bietjie troos.
Rylyn se ma het kort nadat sy video op die internet begin sirkuleer het, 'n bietjie agtergrond gegee. Sy het gereeld Three Little Birds vir hom gesing wanneer sy hom saans in die bed sit. Tydens die epidemie was dit vir hom sleg dat hy nie gereeld by sy Nana, Oupa en die ander familie kon wees nie. Toe sing hy sy slaapliedjie wat hom so getroos het vir hulle, want hulle is die mense wat vir hom lief is en hom koester, en hy het daardie konneksie baie gemis. Hulle het die video vir die familie aangestuur . . . . en toe sien die wêreld dit.
In hierdie verwerkte opname wat oorspronklik op TikTok verskyn het, het Rylyn begeleiding en agtergrondsangers.
Vandag, vir jou.
Baie liefde.
George & Matilda
Comments
Post a Comment