Rus In 'n Besige Lewe
Die Gesprek
Elemente Uit Die Gesprek
Musiek
In die rolprent Shawshank Redemption kom Andy (Tim Robbins) in een van die skenkings aan die gevangenis se biblioteek, op 'n grammofoonplaat met operamusiek af. Daarop is onder andere hierdie Duettino Sull'aria (die briefduet) uit Mozart se Die Huwelik van Figaro. In 'n gebaar van opstand, sluit hy al die deure van die biblioteek, en speel die musiek oor die luidsprekerstelsel van die gevangenis.
Asof betowerd, staak al die gevangenes waarmee hulle besig is en staar na die groot oorhoofse luidsprekers. Van hierdie ervaring sê Red (Morgan Freeman):
“I have no idea to this day what those two Italian ladies were singing about. Truth is, I don’t want to know. Some things are better left unsaid. I’d like to think they were singing about something so beautiful, it can’t be expressed in words, and it makes your heart ache because of it. I tell you, those voices soared higher and farther than anybody in a grey place dares to dream. It was as if some beautiful bird had flapped into our drab little cage and made these walls dissolve away, and for the briefest of moments, every last man in Shawshank felt free.”
Soms, wanneer al ons verpligtinge en bekommernisse swaar op ons druk, is dit nodig om skoonheid, in watter vorm ook al, in ons lewens in te bring. Dit doen ons siele goed.
Met ons liefde en hierdie herinnering
George &Matilda
Baie dankie vir julle volgehoue bediening... julle vergeet elke week om by te sê dat die kontemplatiewe leefstyl Matilda soos n tiener laat lyk... 🤗 dankie weereens vir die oopbreek van n praktiese struikelblok as dit kom by commitment, werkslading en stilwees...
ReplyDelete